Si Ariel Ureta at hindi na si Cito Beltran ang host ng Straightalk nang mapanood namin ito. Matagal na naming naririnig ang balita na mawawala na si Cito sa Straightalk at isang bagong programa ni Korina Sanchez ang ipapalit.

Si Angeli Pangilinan ang subject ni Ariel. Nagkaroon kami ng interes na panoorin ang interbyu kay Angeli dahil marami itong kuwento tungkol sa relasyon nila ng asawang si Gary Valenciano.

Una, si Angeli pala ang nagreto kay Gary sa kanyang kapatid na si Felichi at dalawang buwan lamang ang itinagal ng relasyon ng dalawa dahil ipinagtapat ni Gary na may iba itong babae na nagugustuhan na Cynthia ang pangalan.

Nabigla na lamang si Angeli nang isang araw, ipagtapat sa kanya ni Gary na siya (Angeli) si Cynthia and the rest is history.

Dahil sa kuwento ni Angeli, nabura ang maling paniniwala noon na inagaw niya si Gary sa kanyang kapatid. Ikinuwento rin ni Angeli na si Gary ang nasusunod sa pagpapalakad sa kanilang talent agency at siya lamang ang taga-implement.

Again, nabura ang maling impresyon na si Angeli ang tanging nagdedesisyon para sa kanilang kompanya, ang Genesis Inc.
===========

http://untoldpinoystories.blogspot.com