KC Concepcion: I’m single and happy

Taas-noong pinagmalaki ni KC Concepcion na siya ay “single and happy” sa kainitan ng mga usap-usapan ukol sa umano’y paghihiwalay nila ni direk Lino Cayetano.

Lumutang ang kagandahan at star quality ng mga piniling mga muse ng bagong designer na si Puey Quinones sa kanyang ultra chic fashion show noong Biyernes ng gabi.

Maliban sa mga pinagmalaking disenyo ng damit, sentro ng atensyon ang mga muse ng clothing line niya. Kabilang dito sina Ruffa Gutierrez, Boy Abunda, Tintin Cojuangco, at si Concepcion.

Naging inspirasyon ang mga kilalang personalidad sa showbiz sa glamorosang gabi na iyon pero lahat nagtataka pa rin kung sino naman ang inspirasyon sa love life mismo ni Concepcion.

“Walang magseselos kasi I’m single and happy,” ani Concepcion.

Naging palaisipan kasi sa marami nang magparinig ang kanyang inang si Sharon Cuneta sa anniversary concert nito na single na si Concepcion. Balita tuloy na split na sila ng rumoured boyfriend niyang si Cayetano.

“Actually, nagulat din ako noon pero totoo naman so it wasn’t a lie or anything,” dagdag pa niya.

Pero kung solo flight ang love life ni Concepcion, bawi naman siya sa kanyang hindi mabilang na endorsements at mga proyekto nitong bagong taon.

“Marami po kayong makikilala just like “KC, from Paris to Pinas.” Marami na naman kayong makikitang lugar, marami kayong makikilalang tao and makikitang bago. Abangan niyo. Talaga pati ako excited,” pahayag ni Concepcion.

Source

« Hannah Montana is coming to Houston!
Today is not your usual day… »