Priscilla Meirelles admits she and John Estrada work hard to keep their relationship in harmony
Very pleasant kausap ang dating Ms. Earth na si Priscilla Meirelles. ABS-CBN.com got the chance to talk to her during Star Magic’s presscon for its birthday celebrants for the month of September and October. Yes, bahagi na ng Star Magic si Priscilla, and she plans to really pursue a career in hosting ‘pag natapos na ang Tagalog lessons niya. Priscilla told ABS-CBN.com, her boyfriend John Estrada is supportive of her career and the doesn’t get in the way of whatever plans Star Magic has for her.
She just celebrated her 26th birthday with John, at kuwento pa ng beauty queen, they just spent it quietly together daw. Mukhang adjusted na nga si Priscilla rito sa bansa, ito ang agad naming napansin sa kanya, hindi siya naiilang makipag-usap, she’s really charming and approachable. “Ayy, opo. I’ve been visiting the Philippines even before I won Miss Earth so, medyo familiar na po ako sa place. I love the people, they are really nice, mababait. Masasarap din ang mga pagkain,” sabi pa ni Priscilla, who has come to love the Pinoy culture dahil malapit din daw ito sa Brazilian culture na kanyang kinalakihan. Ano naman ang mga pagkaing natutunan na niyang kainin? “Oh, I love sinigang. The fish, I love it. And lechon. Wow, ang sarap!”
Tatlong taon na rin pala ang itinagal ng relasyon nina John at Priscilla. Aminado ang beauty queen, nu’ng mga unang buwan nila ni John ay hindi naging madali para sa kanila. May mga sandaling gusto na nilang bumitaw sa isa’t isa. Nag-break nga raw sila pero hindi naman nagtagal at nagkabalikan din ang dalawa. Dahil sa usaping ito, mas naging interesadong magtanong at makinig sa chikahan ang ibang members ng entertainment press na naroon. Muli ay tinanong naming ang beauty queen kung anong qualities ang hindi niya gusto kay John bilang boyfriend. Seloso ba si John? “Ahh, hindi siya seloso but he can be possessive.”
Pero ang maganda lang daw kay John, hindi naman siya ang tipong maraming restrictions kay Priscilla. Dagdag pa ng beauty queen, naiintindihan naman daw ni John ang kulturang kinalakihan ni Priscilla sa Brazil, at halimbawa kung may hindi raw gusto ang aktor sa suot na damit ni Priscilla, sinasabi naman daw niya agad ito sa girlfriend. Sinusunod naman daw ni Priscilla ang payo ni John kung sa tingin niya’y tama ang aktor. Pero kung sa palagay ni John kumportable si Priscilla at bagay naman sa beauty queen ang suot niya, hindi na raw niya ito pinapakialaman. Romatiko bang tipo si John? “Well, he can be…” sabi pa ng beauty queen sabay na ipinakita ang engagement ring na ibinigay ni John sa kanya.
Nasabi na ni Priscilla ang ilang bagay na hindi niya gusto sa kanyang mahal. To be fair, tinanong din namin ang beauty queen kung ano ang mga endearing qualities ni John that made her fall in love with him? Maalaga ba ang aktor? “Ahh, yes. I guess, that’s the trait of every Filipino. ‘Yung pagiging thoughtful, warm. Back in Brazil, I had a relationship before John pero hindi ‘yung ganito na we’d check on each other. Magkaiba naman kasi ng culture, eh. Doon, I know we love each other, we care for each other but that’s it. No more checking like, ‘Have you eaten?’ or ‘Where are you?’ That’s why foreigners would really go for Pinoys as partners because they are really malambing, warm.”
